The news is by your side.

Advertisement

قومی ٹیم کے کوچ کا ’اردو‘ میں پیغام وائرل

ٹی 20 ورلڈ کپ میں قومی ٹیم کے بیٹنگ کنسلٹنٹ میتھیو ہیڈن کو قومی کھلاڑیوں کی یاد ستانے لگی۔

تفصیلات کے مطابق قومی ٹیم کے بیٹنگ کنسلٹنٹ میتھیو ہیڈن نے اردو میں پیغام شیئر کیا جو سوشل میڈیا پر وائرل ہوگیا، ہیڈن نے سماجی رابطے کی ویب سائٹ ٹویٹر پر لکھا کہ ’میں برسبین کے قرنطینہ سینٹر میں بیٹھا اپنی آئسولیشن مکمل کررہا ہوں مگر میرا دل ڈھاکا میں موجود ہے۔

انہوں نے لکھا کہ میرا دل ڈھاکا میں موجود تمام کھلاڑیوں اور اسپورٹ اسٹاف کے ساتھ جڑا ہے۔

میتھیو ہیڈن نے مزید لکھا کہ ’میری تمام تر نیک تمنائیں پاکستان کرکٹ ٹیم کے ساتھ ہیں، شاباش لڑکوں! چھا جاؤ، پاکستان زندہ باد۔

سوشل میڈیا پر میتھیو ہیڈن کے اردو میں پیغام کو چند ہی منٹوں میں ہزاروں لائکس مل چکے ہیں اور اس پیغام کو ری ٹوئٹ کیا جا رہا ہے۔

واضح رہے کہ قومی ٹیم کے کل ڈھاکا میں بنگلا دیش کے خلاف پہلے ٹی 20 میچ سے سیریز کا آغاز کرے گی، قومی ٹیم کے دورے کے دوران تین ٹی 20 میچز اور دو ٹیسٹ میچز کھیلے گی۔

Comments

یہ بھی پڑھیں