مٹیاری: قومی شاہراہ پر مسافر کوچ اور ٹریلر میں تصادم کے نتیجے میں 5 افراد جاں بحق جبکہ 10سے زائد زخمی ہوگئے۔
اے آر وائی نیوز کے مطابق پولیس ذرائع کا کہنا ہے کہ لاشوں اور زخمیوں کو سول اسپتال منتقل کر دیا گیا ہے، مسافر کوچ پنجاب سے کراچی جا رہی تھی کہ افسوسناس حادثے کا شکار ہوگئی۔ ہلاکتوں میں اضافے اضافے کا خدشہ ہے۔
اس سے قبل ہالہ قومی شاہراہ پر خوفناک حادثہ پیش آیا تھا، جب مسافر بس آگ لگنے کے باعث مکمل طور پر جل گئی تھی۔
ہالہ قومی شاہراہ پر حادثہ، آگ لگنے سے مسافر بس مکمل جل گئی
پولیس کے مطابق مسافر بس کار سے ٹکرانے کے بعد بجلی کے پول سے ٹکرائی۔ حادثے کے بعد ٹرانسفارمر اور تاروں سے بس میں آگ لگی، بس میں سوار تمام مسافر محفوظ رہے، حادثے کی شکار مسافر بس گھوٹکی سے بھٹ شاہ جارہی تھی۔
