The news is by your side.

Advertisement

میٹرک بورڈ کراچی کے تحت امتحانات کا آغاز یکم اپریل سے ہوگا

کراچی: میٹرک بورڈ نے امتحانی شیڈول کا اعلان کردیا جس کے مطابق نویں اوردسویں جماعت کے پرچے یکم اپریل سے شروع ہوں گے۔

تفصیلات کے مطابق سیکنڈری بورڈ کراچی کے تحت بورڈ کے امتحانات کا آغاز یکم اپریل سے ہوگا، بورڈ نے حساس علاقوں میں امتحانی مراکز کے لیے سیکریٹری داخلہ اور متعلقہ حکام کو خطوط ارسال کردیئے ۔

ترجمان سیکنڈری بورڈ کے مطابق میٹرک امتحانات میں تین لاکھ سے زائد طلبہ و طالبات شرکت کریں گے۔ امتحانات 16 اپریل تک جاری رہیں گے۔

نویں جماعت بایولوجی تھیوری کا پرچہ یکم اپریل کو ہوگا جبکہ جنرل سائنس کے امتحانات کا آغاز بھی اُسی روز سے ہوگا۔میٹرک بورڈ کے مطابق تمام پرچے صبح ساڑھے نوبجے شروع ہو کر ساڑھےبارہ بجے اختتام پذیر ہوں گے۔

کنٹرولر  امتحانات کے مطابق امتحانی مراکز میں امیدوار کے علاوہ کسی بھی شخص کے داخلے کی اجازت نہیں ہوگی جبکہ طالب علموں کے موبائل استعمال کرنے پر بھی پابندی عائد ہوگی۔

یاد رہے کہ نویں اور دسویں جماعت کے پرچے مارچ کے وسط میں ہونے تھے البتہ وزیرتعلیم اور میٹرک بورڈ نے اساتذہ کی ہڑتال کے باعث انہیں منسوخ کر کے نیا شیڈول جاری کیا تھا۔

امتحانی شیڈول

نویں جماعت سائنس گروپ

میٹرک سائنس گروپ

نویں جماعت جنرل گروپ

دسویں جماعت جنرل گروپ

Comments

comments

یہ بھی پڑھیں