لاہور : میٹرک کے سالانہ امتحانات کے نتائج کی تاریخ کا اعلان کردیا گیا، اب طلبا کو مزید انتظار نہیں کرنا پڑے گا۔
تفصیلات کے مطابق میٹرک کے امتحانات دینے والے طلباء اپنے نتائج کا بے صبری سے انتظار کر رہے ہیں لیکن اب طلبا کو مزید انتظار نہیں کرنا پڑے گا۔
پنجاب تعلیمی بورڈز نے میٹرک کے سالانہ امتحانات کے نتائج کی تاریخوں کو حتمی شکل دے دی اور اس حوالے سے اعلان بھی کردیا۔
پنجاب کے تمام نو تعلیمی بورڈز کے نتائج کا اعلان 9 جولائی کو کیا جائے گا۔
نتیجہ کیسے چیک کریں؟
طلباء اپنے نتائج متعلقہ بورڈ کی ویب سائٹ پر یا اپنے موبائل فون کے ذریعے آن لائن چیک کرسکیں گے۔
موبائل فون پر نتیجے کے لیے طلبہ اپنا رول نمبر ایس ایم ایس کے ذریعے بورڈ کی طرف سے فراہم کردہ نمبر پر بھیج سکتے ہیں تاکہ وہ اپنے نتائج حاصل کر سکیں۔
فراہم کردہ نمبر یہ ہیں۔ فیصل آباد: 800240 ، ڈیرہ غازی خان: 800295 ، گوجرانوالہ: 800299 ، راولپنڈی: 800296 ، لاہور: 800291 ، بہاولپور: 800298 ، سرگودھا: 800290 ، ساہیوال: 800292 ، ملتان: 800293۔
