The news is by your side.

Advertisement

چوہدری نثار خود اپنی حکومت کے لیے بڑا خطرہ ہیں، مولا بخش چانڈیو

کراچی : مشیرِ اطلاعات سندھ مولا بخش چانڈیو نے کہا ہے کہ وفاقی حکومت کی پانامہ کیس سے جان نہیں چھوٹ سکتی اس حکومت کے دن گِنے جا چکے ہیں چوہدری نثار بلاول کے بجائے قومی سلامتی سے متعلق امور پر میڈیا سے بات کریں تو اچھا ہے۔

تفصیلات کے مطابق مشیرِ اطلاعات سندھ مولا بخش چانڈیو پُر ہجوم پریس کانفرنس سے خطاب کر رہے تھے انہوں نے کہا کہ مسلم لیگ (ن) ملکی وحدت کے لیے خطرہ بن چکی ہے سندھ کی موجودہ سیاسی صورتِ حال میں سعید الزامں صدیقی صاحب کی بہ طور گورنر نامزدگی بزرگ کے تقدس کو پامال کرنے کے مترادف ہے۔

انہوں نے کہا کہ سندھ حکومت سے مشورہ تک کرنے کی زحمت گوارہ نہیں کی گئی مسلم لیگ ن کی حکومت ایسے اقدامات سے باز رہے جن سے صوبوں کے درمیان قائم باہمی وحدت اور اتحاد و اتفاق کو نقصان پہنچے سی پی پر چھوٹے صوبوں کا موقف بھی سننا چاہیے۔

وفاقی وزیر داخلہ چوہدری نثار کی جانب بلاول بھٹو کے خلاف دیے گئے ریمارکس کے حوالے سے پوچھے گئے سوال کے جواب میں مشیر اطلاعات سندھ نے کہا کہ چوہدری نثار کے لیے خوف کا دوسرا نام بلاول بھٹو ہے،وزیر داخلہ خود اپنی حکومت کے لیے بڑا خطرہ ہیں۔

انہون نے مزید کہا کہ بلاول بھٹوپنجاب آرہے ہیں،ان کے آنے کا سن کرآپ کے پسینے چھوٹ رہے ہیں ابھی توپارٹی شروع ہوئی ہے،ابھی توبلاول نے آغازکیا ہے اس ملک کے مستقبل کا نام بلاول بھٹوزرداری ہے لیگ وزرا کا حساب کرے،ان کا اصل مشن کیا ہے۔

مشیر اطلاعات کا کہنا تھا کہ چوہدری نثار نے بلاول کو اپنے بچے کے برابر قرار دیا تو جب ہیمیں اس پر اعتراض نہیں تو بلاول کی جانب سے چاچا پُکارنے پر انہیں بھی کوئی اعتراض نہیں ہونا چاہیے۔

مولا بخش چانڈیو کا کہنا تھا کہ پانامہ لیکس پر موجودہ حکومت کا جانا ٹہر چکا ہے مسلم لیگ (ن) اپنے وزراء کا حساب کتاب رکھے وہ کبھی جھیل کے اس طرف تو کبھی جھیل کے اُس طرف ہوتے ہیں۔

Print Friendly, PDF & Email

Comments

comments

یہ بھی پڑھیں