اسلام آباد: خطیب لال مسجد مولانا عبدالعزیز کوعدالت نے باعزت بری کردیا ہے، عدالت کا کہنا ہے کہ مقدمے کے مدعی دوران تفتیش پولیس کوکوئی ثبوت فراہم نہیں کرسکے ہیں.
تفصیلات کے مطابق جوڈیشل مجسٹریٹ ویسٹ نے لال مسجد کے خطیب مولانا عبد العزیزکے خلاف آخری مقدمے کا بھی فیصلہ سنا دیا ہے .
خطیب لال مسجد پراشتعال انگیزاورفرقہ ورانہ تقریر کرنے کے الزام میں مقدمہ درج تھا، جس میں مولانا عبدالعزیز کوآج بروز پیر باعزت بری کردیا گیا۔
دوران سماعت جوڈیشل مجسٹریٹ ویسٹ کا کہنا تھا کہ تفتیش کے دوران مدعی پولیس کوکوئی ثبوت فراہم نہیں کرسکے ہیں لہذاعدالت نے اپنا فیصلہ سنتے ہوئے مولانا عبدالعزیزپر لگےالزام کوبےبنیادقراردےدیا ہے.