مولانا فضل الرحمان نے وزیراعظم شہبازشریف سے ملاقات میں بروقت انتخابات کے انعقاد کے حوالے سے مشروط آمادگی ظاہر کر دی ہے۔
اے آر وائی نیوز کے مطابق وزیراعظم سے ملاقات کے دوران فضل الرحمان نے کہا ہے کہ الیکشنز سمیت سیاسی فیصلے پی ڈی ایم پلیٹ فارم سے ہوں تو قابل قبول ہیں۔
ذرائع کے مطابق مولانا فضل الرحمان نے پیپلزپارٹی کے کردار پر تحفظات کا اظہار کیا، وزیراعظم نے مولانا سے دبئی میں ن لیگ اور پی پی کے درمیان ہونے والی ملاقات کی تفصیلات بھی شیئر کیں۔
ذرائع کا کہنا ہے کہ فضل الرحمان کو بتایا گیا ہے کہ دبئی ملاقاتیں بعض معاملات پر اعتماد سازی کے لیے تھیں، اعتماد سازی کے بعد فیصلوں کے لیے پی ڈی ایم و دیگر اتحادیوں کو اعتماد میں لینا تھا.
فضل الرحمان کے ذرائع نے بتایا کہ مولانا کا کہنا ہے کہ ہم آئین کے مطابق معاملات چاہتے ہیں مگر پی ڈی ایم کو بائی پاس نہیں کیا جاسکتا۔