جشن ولادتِ النبی ﷺ کی خوشیاں دنیا بھر میں کیسے منائی جاتی ہیں؟ -
The news is by your side.

Advertisement

جشن ولادتِ النبی ﷺ کی خوشیاں دنیا بھر میں کیسے منائی جاتی ہیں؟

مسلمان ہرسال 12 ربیع الاول کا دن سرور کائنات ،سرکار دو عالم، حضرت محمد ﷺ کا یوم ولادت کی مناسبت سے مناتے ہیں، یہ دن دنیا بھر کے اسلامی ممالک میں  اپنے اپنے انداز اور رسوم کے تحت مذہبی جوش و جذبے سے منایا جاتا ہے،

آقائے دو جہاں حضور اقدس حضرت محمد ﷺ کی ولادت کے سلسلے میں دنیا بھر میں جشن کی تیاریاں مکمل ہوگئیں 12 ربیع الاول کی خوشی میں ملک کے تمام ہی شہروں کی شاہراؤں، گلی اور کوچوں کو برقی قمقموں سے سجا دیا گیا جبکہ گھر گھر  روح پرور محافلِ میلاد کا انعقاد کیا جارہا ہے۔

آئیے دیکھتے ہیں کہ دنیا کے دیگر ممالک میں اس موقع پر کس طرح کا اہتمام کیا جاتا ہے اور عاشقانِ رسولﷺ اس دن کیا افعال انجام دیتے ہیں۔

ملائیشیا

ملائیشیا میں اس دن کو مولود نبی کے طور پر جانا جاتا ہے یہاں مسلمان رنگین لباس پہنے پریڈ کرتے ہیں اور ملک بھر میں تلاوتِ قرآن پاک اور نماز کے لئے بڑے اجتماعات منعقد کئے جاتے ہیں۔

روس

روس میں بھی حضرت محمدمصطفی ﷺ کا یوم ولادت بڑے جوش و خروش سے منایا جاتا ہے، اس دن کو منانے کے لیے 20 ہزار سے زائد مرد اور عورتیں شدید برفباری اور درجہ حرارت کی پرواہ کئے بغیر مرکزی مسجد میں جمع ہوکر اپنی عقیدت کا اظہار کرتے ہیں۔

جنوبی افریقہ

جنوبی افریقہ میں اس دن صبح مرکزی اجتماع منعقد کیا جاتا ہے جہاں لوگوں تعداد بڑی تعداد میں جمع ہوکر نبی ﷺ کی شان میں نعت رسالت مقبول ﷺ پیش کرتے ہیں۔

پاکستان

پاکستان میں بھی عید میلادالنبی ﷺ بھرپور طریقے سے منایا جاتا ہے گلی ، محلوں ، سرکاری عمارتوں اور مساجد کو برق قمقوں سے سجایا جاتا ہے جبکہ یوم ولادت مصطفے صلی اللہ علیہ والہ وسلم کے سلسلہ میں روح پرور میلاد کی محافل کا بھی انعقاد کیا جاتا ہے۔

بھارت

بھارتی مسلمان اس دن کو خصوصی نوافل ادا اور ضرورت مندوں میں کھانا تقسیم کرکے مناتے ہیں، اس موقع پر جشن منانے کے لئے ریلیاں اورجلوس اور تقاریب بھی منعقد کی جاتی ہیں۔

مصر

مصر میں اس دن کو مولد النبی ﷺ کہا جاتا ہے، اس دن کا جشن منانے لوگ خیرات کرتے ہیں اور اس دوران رضاکارغریبوں میں کپڑے اور کھلونے تقسیم کرتے ہیں۔

امریکا

امریکا میں بسنے والے مسلمان 12 ربیع الاول کے روز مساجد میں جمع ہوتے ہیں اور خصوصی عبادات کا اہتمام کیا جاتا ہے، علاوہ ازیں گھروں پر محفل نعت کے پروگرام بھی منعقد کیے جاتے ہیں۔

ترکی

ترکی میں عید میلا النبی ﷺ کے موقع پر خصوصی عبادات اور تقاریب کا اہتمام کیا جاتا ہے۔

فلسطین

یروشیلم میں عید میلاد النبی ﷺ کی مرکزی تقریب منعقد کی جاتی ہے جس میں تمام مسلمان مسجد اقصیٰ کے قریب جمع ہوتے ہیں اور حمد و ثناء بیان کرتے ہیں۔

علاوہ ازیں دنیا بھر میں بسنے والے مسلمان اپنی اپنی روایات کے مطابق مذہبی جوش و جذبے کے ساتھ اس روز کو خصوصی طور پر مناتے ہیں۔

Comments

comments

یہ بھی پڑھیں