شوبز انڈسٹری کی معروف اداکارہ ماورا حسین نے ’صنم تیری قسم 2’ میں واپسی پر خاموشی توڑ دی۔
پاکستانی اداکارہ ماورا حسین نے فلم کی دوبارہ ریلیز پر کامیابی کے بعد ’صنم تیری قسم 2’ کے لیے واپسی پر آمادگی ظاہر کردی ہے۔
فلم صنم تیری قسم 2016 میں پہلی بار ریلیز ہوئی تو اسے فلاپ قرار دیا گیا تھا، ماورا کی شادی کے دوران اسے دوبارہ ریلیز کیا گیا اور یہ کامیاب ثابت ہوئی۔
7 فروری کو دوبارہ ریلیز ہونے والی فلم ’صنم تیری قسم‘ نے باکس آفس پر غیر معمولی کارکردگی دکھائی فلم کی کلیکشن سے دگنی کمائی کی۔
بعدازاں بھارتی فلم ساز جوڑی رادھیکا راؤ اور ونے سپرو نے ویلنٹائن ڈے 2026 پر ’صنم تیری قسم 2‘ ریلیز کرنے کی تصدیق کردی۔
تاہم انہوں نے یہ ظاہر نہیں کیا کہ آیا ماورا حسین اور ہرش وردھن رانے سمیت اصل اداکار ہی سیکوئل میں واپس آئیں گے۔
ایک انٹرویو میں جب ماورا حسین سے پوچھا گیا تو انہوں نے کہا کہ وہ سیکوئل میں کام کرنا پسند کریں گی، پروڈیوسرز اس کامیابی کے مستحق ہے جو فلم اب نمبر حاصل کررہی ہے مجھے امید ہے کہ سیکوئل میرے ساتھ یا اس کے بغیر زیادہ کامیاب ہوگا۔
ماورا حسین نے کہا کہ "ہندوستان کے لوگوں نے مجھے پیغام دیا کہ یہ معجزانہ تھا اور میں جو پیار ملا اس سے میں مطمئن ہوں۔
اداکارہ نے کہا کہ اگر یہ سیکوئل میری قسمت میں ہے تو میں کام کرنا پسند کروں گی۔ کس نے سوچا ہو گا کہ میں نو سال بعد ’صنم تیری قسم‘ کے لیے انٹرویو دوں گی۔ مجھے تقدیر کی طاقت پر پختہ یقین ہے۔
دوسری جانب پروڈیوسر دیپک مکوت نے انکشاف کیا کہ فلم کے ہدایت کاروں کے پاس اس کا سیکوئل بنانے کا اعلان کرنے کا اختیار نہیں کیونکہ اس کے حقوق میرے پاس ہیں، میں پروڈیوسر ہوں اس لیے سیکوئل، پریکوئل یا ریمیک بنانے کا حق میرے پاس ہے۔
