آسٹریلیا کے جارح مزاج بیٹر گلین میکسویل کب تک آئی پی ایل کھیلیں گے، اس حوالے سے انھوں نے دلچسپ خیالات کا اظہار کیا ہے۔
ورلڈکپ جیتنے کے بعد وطن واپسی پر ذرائع ابلاغ سے گفتگو کے دوران ان سے آئی پی ایل کھیلنے کے متعلق سوال کیا گیا، جس پر آسٹریلوی بیٹر کا کہنا تھا کہ وہ تب تک انڈین پریمیئر لیگ کھیلتے رہیں گے جب تک وہ وہ جب تک چلنے کے قابل ہیں۔
35 سالہ میکس ویل نے کہا کہ غالباً آئی پی ایل وہ آخری ٹورنامنٹ ہو گا جو میں اپنی زندگی میں کھیلوں گا جب تک میری ٹانگیں چلنے کے قابل ہیں آئی پی ایل کھیلتا رہوں گا۔
انھوں نے واضح کیا کہ کیریئر میں آئی پی ایل ان لیے کافی اچھا رہا ہے، میکس ویل کا ماننا ہے کہ اس دوان وہ جن کوچز کے ساتھ کھیلے وہ سب بہترین تھے۔
میکس ویل نے کہا کہ دو ماہ تک آپ ویرات کوہلی اور اے بی ڈی ویلیئرز جیسے کھلاڑیوں کے ساتھ کھیلنے کا موقع ملتا ہے۔ دوسرے میچز کے دوران ان سے گفتگو ہوتی ہے یہ سب بہترین تجرب ہ ہوتا ہے۔
آئی پی ایل کی بات کی جائے تو گلین میکسویل نے 2012 میں پہلی مرتبہ دہلی ڈیئر ڈیولز کی نمائندگی کی تھی جس کے بعد آسٹریلوی پلیئر نے ممبئی انڈینز کو جوائن کیا۔ گزشتہ تین سالوں سے وہ رائل چیلنجر بنگلور کا حصہ ہیں، انھیں 14.25 بھارتی کروڑ روپے میں خریدا گیا تھا۔
واضح رہے کہ حالیہ ورلڈکپ اور اس کے بعد بھارت سے ٹی ٹوئنٹی سیریز کے دوران میکس ویل اپنی بہتری فارم میں تھے اور انھوں نے کافی عمدہ بیٹنگ کا مظاہرہ کیا تھا۔