اداکارہ مایا علی اور بلال اشرف کے نئے فوٹو شوٹ پر مداحوں نے ان کی شادی کروانے کا مطالبہ کردیا ہے۔
اے آر وائی ڈیجیٹل کے ڈرامہ سیریل ’یونہی‘ میں بلال اشرف اور مایا علی نے اسکرین شیئر کی اس کے بعد سے دونوں کو اکثر و بیشتر مقامات پر ایک ساتھ دیکھا گیا، دونوں نے مختلف برانڈز کے فوٹو بھی ساتھ کیے۔
مایا علی اور بلال اشرف کے ان کے مداح حقیقی زندگی میں بھی ساتھ دیکھنے کے خواہشمند ہیں۔
سوشل میڈیا پر پیجز کے مطابق دونوں فنکار ایک دوسرے کو ڈیٹ کررہے ہیں اور صارفین کا یہ بھی کہنا ہے کہ ان کی شادی کروادو۔
View this post on Instagram
اداکاروں نے قیاس آرائیوں کے باوجود خاموشی اختیار کی ہوئی ہے اور فی الحال اپنے رشتے سے متعلق کوئی تصدیق یا تردید نہیں کی۔
چند روز قبل ان دونوں کو لاہور میں ہونے والے پاکستان سُپر لیگ (پی ایس ایل) سیزن 10 میں کوئٹہ گلیڈی ایٹرز کے میچ میں شرکت کرتے دیکھا گیا تھا۔
حال ہی میں مایا علی نے نجی برانڈ کے لیے کروائے گئے فوٹو شوٹ کی چند تصاویر شیئر کیں، جس میں بلال اشرف بھی موجود ہیں۔
