کراچی: پاکستانی فلم و ڈرامہ انڈسٹری کی معروف اداکارہ مایا علی نے اداکار عثمان خالد بٹ سے شادی کے سوال پر مداح کو کرارا جواب دے دیا۔
تفصیلات کے مطابق اداکارہ مایا علی نے نئے سال کے موقع پر اپنی خوبصورت تصویر شیئر کی جسے مداحوں نے پسند کیا وہیں ایک صارف ملک عمیر طاہر نے ان سے سوال کیا کہ ابھی بھی عثمان خالد بٹ کے ساتھ رشتہ ازدواج میں منسلک ہیں، آپ دونوں کو ساتھ نہیں دیکھا۔
مایا علی نے مداح کے سوال پر برہمی کا اظہار کیا اور لکھا کہ ’کیا آپ نے مجھ سے، میری فیملی سے یا عثمان خالد بٹ یا ان کی فیملی سے اس بات کا ذکر سنا ہے؟
اداکارہ نے مزید کہا کہ سوال کرنا آپ کا حق ہے لیکن برائے کرم کسی کے بارے میں بھی بیان دینے سے گریز کریں۔
View this post on Instagram
2019 thank you for the lessons, 2020 I am ready… 📸 @zillestudio_kukisphotography
مایا علی کی جانب سے کرارا جواب ملنے کے بعد صارف کی جانب سے کمنٹ ڈیلیٹ کردیا گیا ہے لیکن اس سوال کا اسکرین شاٹ سوشل میڈیا پر وائرل ہوگیا۔
واضح رہے کہ اداکارہ مایا علی اور عثمان خالد بٹ اچھے دوست ہیں انہوں نے بہت سے ڈراموں میں ایک ساتھ اداکاری کے جوہر دکھائے ہیں اور ڈراموں میں دونوں کی جوڑی کو مداحوں کی جانب سے پسند کیا گیا تھا۔
یاد رہے کہ چند روز قبل شہروز سبزواری اور سائرہ شہروز کے درمیان طلاق کی خبریں گردش کررہی تھیں، شہروز سبزواری نے ویڈیو پیغام میں علیحدگی کی تصدیق کرتے ہوئے طلاق کی خبروں کو بے بنیاد قرار دیا تھا۔
سائرہ اور شہروز کی طرح مایا بھی چاہتی ہیں کہ لوگ حقیقت کو جانے بغیر اس طرح کے بیان نہ دیں۔