لاہور: میو اسپتال میں غلط انجکشن سے اموات کے بعد حکومتی ایکشن پر نرسوں نے احتجاج کرتے ہوئے کام بند کردیا ، جس سے مریضوں کو مشکلات کا سامنا ہے۔
تفصیلات کے مطابق میو اسپتال میں انجکشن سے اموات کا ملبہ نرسوں پرڈال دیا گیا، تین نرسوں کو معطل کرکےانکوائری شروع کردی گئی۔
رپورٹ میں بتایا گیا کہ نرسوں نے انجکشن کا محلول بنانے میں غفلت کی تاہم حکومتی ایکشن کے بعد نرسوں کا ری ایکشن سامنے آیا۔
نرسنگ اسٹاف سراپا احتجاج بن گیا اور کام بند کرکے وارڈ سے باہر آگئیں، اسٹاف کا کہنا تھا کہ انجکشن کا محلول بنانا ہمارا نہیں، فارماسسٹ کا کام ہے، غلط انجکشن لگنے سے اموات کا ذمہ دار نرسوں کا ٹھہرانا ناانصافی ہے، فارما سیوٹیکل کمپنی کو بچانے کے لیے ملبہ نرسوں پر ڈالا گیا۔
مزید پڑھیں : لاہور: انجیکشن کے ری ایکشن سے مریضوں کی موت، 3 نرسز غفلت کی مرتکب قرار
مظاہرین نے پلے کارڈ اٹھائے ہوئے تھے اور شدید نعرے بازی کی ۔اسپتالوں میں کام بند ہونے سے مریضوں کو مشکلات کاسامنا ہے۔
نرسوں نے الزام لگایا انجیکشن دینے والی فارماسیوٹیکل کمپنی وزیر صحت خواجہ سلمان رفیق کےقریبی ساتھی کی ہے، جسے بچایا جارہا ہے۔
