کراچی: میئر کراچی نے شہریوں سے آلائشیں جگہ جگہ نہ پھینکنے کی درخواست کر دی ہے۔
تفصیلات کے مطابق عید الاضحیٰ کے موقع پر میئر کراچی بیرسٹر مرتضیٰ وہاب نے ایک ویڈیو پیغام جاری کیا ہے، جس میں انھوں نے شہریوں سے آلائشوں کو جگہ جگہ نہ پھینکنے کی درخواست کرتے ہوئے بتایا ہے کہ آلائشوں کو ٹھکانے لگانے کے لیے سالڈ ویسٹ مینجمنٹ بورڈ کے ساتھ جامع حکمت عملی بنائی گئی ہے۔
میئر کراچی نے کہا آلائشوں کو ٹھکانے لگانے کے لیے شہری انتظامیہ کی مدد کریں، ہم نے شہر کے مختلف مقامات پر کلیکشن پوائنٹس بنائے ہیں، چھوٹی گاڑیاں گھروں سے آلائشیں اٹھا کر جی ٹی ایس پھر لینڈ فل سائٹس منتقل کریں گی۔
مرتضیٰ وہاب نے کہا شہری آلائشوں کو اٹھانے کے لیے ہیلپ لائن 1128 پر شکایات درج کرا سکتے ہیں، سالڈ ویسٹ کا عملہ چند ہی گھنٹے میں آ کر آلائش اٹھا کر لے جائے گا، یہ سارا کام کسی بھی قسم کے چارجز لیے بغیر کیا جا رہا ہے۔
صدر زرداری، وزیر اعظم شہباز شریف اور فیلڈ مارشل کی جانب سے قوم کو عید کی مبارک باد
میئر کراچی بیرسٹر مرتضیٰ وہاب نے درخواست کی ہے کہ کراچی کو صاف رکھنے میں شہری انتظامیہ کا ساتھ دیں۔ واضح رہے کہ ملک بھر میں آج ہفتے کو عید الاضحیٰ روایتی جوش و خروش کے ساتھ منائی جا رہی ہے، شہری ملک بھر میں نماز عید کے بعد سنت ابراہیمی پر عمل کرتے ہوئے جانور قربان کر رہے ہیں۔
