کراچی: انسداد دہشت گردی عدالت نے میئر کراچی وسیم اختر کو بیرون ملک جانےکی اجازت دے دی۔
تفصیلات کے مطابق ڈاکٹر عاصم سے متعلق کیس میں میئر کراچی وسیم اختر کا پاسپورٹ ضبط تھا۔ وسیم اختر نے ایران جانے کے لیے پاسپورٹ واپس دینے کی درخواست کی تھی۔
عدالت نے وسیم اختر کو 20 لاکھ روپے زر ضمانت جمع کروانے کا حکم دیا تھا۔ آج عدالت نے انہیں بیرون ملک جانے کی اجازت دے دی۔
- Advertisement -
واضح رہے کہ میئر کراچی وسیم اختر دہشت گردوں کے علاج و معاونت کے سلسلے میں دائر ڈاکٹر عاصم کے کیس میں جیل میں قید تھے تاہم کچھ عرصے قبل عدالت نے وسیم اختر کی درخواست ضمانت منظور کرتے ہوئے انہیں رہا کردیا تھا۔
