کراچی: سندھ کابینہ نے لوکل گورنمنٹ ایکٹ میں ترمیم اور گورنر کی تجاویز کی منظوری دے دی۔
تفصیلات کے مطابق کراچی کے میئر کا انتخاب اب کونسل ممبرز میں سے ہوگا، یعنی شہر قائد کے میئر کے لیے یہ شرط لازمی ہوگی کہ وہ کونسل ممبر ہوگا۔
اس حوالے سے آج وزیر اعلیٰ سندھ نے پریس کانفرنس میں کہا کہ میئر کے لیے اب اینی پرسن کی شرط ختم کر دی گئی ہے، میئر کا اب کونسل ممبر سے انتخاب ہوگا، اور یہ انتخاب بھی شوآف ہینڈز سے ہوگا۔
انھوں نے کہا کہ جماعت اسلامی کے نعمت اللہ کسی یو سی کے ممبر تھے جو ناظم بنے؟ نہیں، مرحوم نعمت اللہ خان اور کنور نوید جمیل اینی پرسن تھے، اور پی ٹی آئی کا تو اس زمانے میں وجود ہی نہیں تھا، جب یہ تھے تو اینی پرسن جائز تھا لیکن اب ناجائز ہوگیا ہے۔
#Sindh Cabinet has today approved amendments to SLGA 2013 with certain changes advised by Governor Sindh. It has also been decided to appoint Mayor KMC as Chairman of Sindh Solid Waste Management Board for Karachi & Co-Chairman of KWSB.
— Murtaza Wahab Siddiqui (@murtazawahab1) December 9, 2021
وزیر اعلیٰ سندھ کے مشیر مرتضیٰ وہاب نے ایک ٹوئٹ میں کہا کہ سندھ سالڈ ویسٹ مینجمنٹ کا چیئرمین اب کے ایم سی کا میئر ہوگا، اور کے ایم سی کا میئر کراچی واٹر بورڈ کا شریک چیئرمین بھی ہوگا۔
مرتضیٰ وہاب کا کہنا تھا کہ سندھ کابینہ نے سول کورٹ آرڈیننس میں بھی ترمیم کی منظوری دے دی ہے، سٹی کورٹ کراچی میں ساڑھے 6 کروڑ تک کے مالیاتی کیسز جا سکیں گے۔
