واشنگٹن: امریکا کی فیڈرل انویسٹیگیشن ایجنسی کے مک کبی کو حکام اٹارنی جنرل نے صدر ٹرمپ سے سیاسی تعصب کی بنیاد پر ڈپٹی ڈائریکٹر کے عہدے سے فارغ کردیا۔
تفصیلات کے مطابق امریکا کے اٹارنی جنرل جیف سیشنز نے جمعے کے روز ایف بی آئی آفس سے جاری نوٹس میں بتایا کہ فیڈرل انویسٹیگیشن ایجنسی کے ڈپٹی ڈائریکٹر اینڈریو مک کبی کو امریکی صدر ڈونلڈ ٹرمپ سے سیاسی تعصب رکھنے کے الزام پر عہدے سے فارغ کردیا ہے۔
جنوری میں ایف بی آئی کے ڈپٹی ڈائریکٹر مک کبی کواپنے عہدے سے استفعیٰ دے کر چھٹیوں پر بیھج دیا تھا۔ ایف بی آئی کی جانب سے ہلیری کلنٹن کی ای میل کے غلط استعمال ہونے پر کی جانے والی تحقیقات میں بہت زیادہ ملوث تھے اور امریکا کی صدارتی مہم میں روس کی طرف سے کی جانے والی مبینہ مداخلت میں بھی ملوث تھے۔
ڈپٹی ڈائریکٹر اپنی ریٹائرمنٹ کی تیاری میں مصروف تھے کہ دو دن قبل ایف بی آئی حکام نے انہیں عہدے سے فارغ کردیا، عہدے سے برطرف کیے جانے کے باعث مک کبی کو پینشن کے حقوق سے بھی ہاتھ دھونا پڑے گا۔
امریکی اٹارنی جنرل نے ایف بی آئی آفس سے جمعے کو جاری ہونے والے بیان میں کہا ہے کہ ’مک کبی کو ایف بی آئی کے شعبہ ماہرانہ ذمہ داری کے دفتر کی تحقیقات، ڈیپارٹمنٹ کے سینئر افسران کی مشاورت اور انسپکٹر جنرل کی رپورٹ کے بعد اینڈریو مک کبی کو ان کے عہدے سے ہٹایا گیا۔
غیر ملکی خبر رساں ادارے سے اظہار خیال کرتے ہوئے مک کبی کا کہنا تھا کہ گذشتہ سال ایف بی آئی کے ڈائریکٹر جیمس کومی کو بھی عہدے سے ہٹانے کے بعد افسرانِ بالا نے مجھے نشانہ بناکر اور بے بنیاد الزامات لگاکر نوکری سے فارغ کردیا۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں
