یوکرین پر فوجی کارروائی کی مذمت کرتے ہوئے مشہور فاسٹ فوڈ برانڈ میکڈونلڈ نے روس میں اپنے ریسٹورنٹ بند کرنے کا اعلان کردیا۔

غیر ملکی میڈیا کے مطابق ایپل، گوگل، نیٹ فلکس اور ایڈورٹائزنگ گروپ ڈبلیو پی پی کے بعد میکڈونلڈ نے بھی روس میں کام کرنے سے انکار کردیا۔

میکڈونلڈ نے روس میں اپنے 847 ریسٹورنٹس بند کردئیے ہیں جس میں 1990 میں پشکن اسکوائر پر کھولا گیا پہلا ریسٹورنٹ بھی شامل ہے۔

واضح رہے کہ میکڈونلڈ کے ریونیو کا فیصد اور منافع کا تین فیصد روس سے آتا تھا۔

میکڈونلڈ کے ساتھ دنیا کی مشروبات بنانے والی مشہور کمپنیاں کولا کولا اور پیپسی نے بھی اپنی مصنوعات کی فروخت روس میں معطل کرنے کا اعلان کیا ہے۔