ایکسپو سینٹر کراچی میں ایم ڈی کیٹ ٹیسٹ دینے والے طلبا کے والدین ذہنی اذیت سے دوچار رہے۔
والدین نے کہا کہ بچوں کے ٹیسٹ کی تیاری کےاخراجات بڑی مشکل سے برداشت کیے، ایک بار پرچہ ہو گیا اس مرتبہ پتہ نہیں کیا ہوگا؟
ایکسپو سینٹر کراچی میں ایم ڈی کیٹ ٹیسٹ کا دوبارہ انعقاد سخت سیکورٹی میں لیا گیا جس میں قریباً پندرہ ہزار طلبہ و طالبات شریک ہوئے۔
طلبہ کے لیے ایم بی بی ایس اور بی ڈی ایس میں داخلے کیلئے کڑا امتحان ثابت ہوا۔ والدین اپنے بچوں کے مستقبل کیلئے ذہنی اذیت سے دوچار دکھائی دیئے۔
وزیر صحت ڈاکٹر سعید خالد کا کہنا تھا کہ جتنے زیادہ امتحانی مراکز ہوں گے اتنا ہی پرچہ آؤٹ ہونے کا امکان زیادہ ہے سندھ میں 40 ہزار بچوں میڈیکل میں داخلہ سمجھ سے باہر ہے اتنا دنیا میں کہیں نہیں ہوتا۔
ٹیسٹ کے دوران ہنگامی صورتحال سے نمٹنے کے لئے سیکیورٹی کے انتہائی سخت انتظامات کئے گئے تھے پولیس کے ساتھ ساتھ رینجرز اہلکاروں کی بڑی تعداد بھی سیکورٹی پر مامور تھی۔
