پشاور: ایم ڈی کیٹ میں نقل کرنے والے طلبہ پر 2 سال کے لیے امتحان دینے پر پابندی عائد کردی گئی۔
تفصیلات کے مطابق خیبر میڈیکل یونیورسٹی نے طلبہ پر پابندی عائد کرنے کے حوالے سے باقاعدہ اعلامیہ جاری کردیا، جس میں کہا گیا ہے کہ 219 طلبہ پر 2 سال کے لیے ایم ڈی کیٹ دینے پر پابندی عائد ہوگی۔
واضح رہے کہ ایم ڈی کیٹ گزشتہ ماہ 10 ستمبر کو منعقد ہوا تھا، مختلف سینٹرز میں طلبا بلیو ٹوتھ اور دیگر ذرائع سے نقل کرتے پکڑے گئے تھے۔
بڑے پیمانے پر نقل کے کیسز سامنے آنے پر کے پی کابینہ نے ایم ڈی کیٹ 2023 کے انٹری ٹیسٹ کے ٹیسٹ منسوخ کردیا تھا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں