لاہور : پنجاب میں خسرہ سے مزید 2 بچے انتقال کرگئے ، جس کے بعد انتقال کرنے والے بچوں کی تعداد 24 ہوگئی ہے۔
تفصیلات کے مطابق پنجاب میں خسرہ کی وبا بے قابو ہوگئی، 24 گھنٹے میں پنجاب میں خسرہ سے 2 بچوں کاا نتقال ہوا، ایک بچے کا تعلق لاہور اور دوسرے کا فیصل آباد سے تھا۔
محکمہ صحت کا کہنا ہے کہ لاہور میں انتقال کرنے والے بچوں کی تعداد جبکہ صوبے بھر میں انتقال کرنےوالےبچوں کی تعداد 24 ہوگئی۔
گزشتہ روزصوبہ بھرسے خسرہ کے 227 مشتبہ کیسزرپورٹ ہوئے، جس کے بعد خسرہ کے مریضوں کی تعداد 3210 تک پہنچ گئی
اسپتالوں میں مریضوں کی تعداد میں اضافہ ہورہا ہے، اعداد وشمار کے مطابق شیخوپورہ سے اڑتیس، فیصل آباد چونتیس، لاہورانتیس، گجرانوالہ سے پچیس بچے سرکاری اسپتالوں میں داخل کیے گئے۔
طبی ماہرین کے مطابق پانچ سال سے کم عمر بچے زیادہ متاثر ہوتے ہیں، والدین بچوں کو حفاظتی ٹیکوں کاکورس مکمل کروائیں۔
وزیر صحت پنجاب کا کہنا ہے کہ پنجاب بھر میں خسرہ بچوں کی تعداد 3200 سے ذیادہ پورے سال میں نہیں تھی، گوجرانوالہ میں بھی بہت ذیادہ کیسز رپورٹ ہو رہے ہیں، لیکن ہم دو ہفتوں کے اندر پورے پنجاب کے بی ایچ یوز میں ڈاکٹرز تعینات کردیں گے۔
