کیا آپ جانتے ہیں دنیا میں ایک پھل ایسا بھی پایا جاتا ہے جس کا ذائقہ بالکل گوشت کی طرح ہے، اور دلچسپ بات یہ ہے کہ یہ پھل جنوبی ایشیا کا مقامی پھل ہے۔
جیک فروٹ کہلایا جانے والا یہ پھل ذائقے میں گوشت کی طرح معلوم ہوتا ہے۔
یہ دنیا کا اب تک کا معلوم سب سے بڑا درخت پر لگنے والا پھل ہے۔ اس کا وزن 100 پاؤنڈز تک ہوسکتا ہے۔
اس کے 10 سے 12 ٹکڑے کسی کے بھی لیے ایک وقت کے کھانے کے برابر ہوسکتے ہیں۔ بھارت میں اسے گوشت کے متبادل کے طور پر بھی استعمال کیا جاتا ہے۔
اگر اسے مصالحہ دار سوس کے ساتھ کھایا جائے تو یہ اندازہ لگانا مشکل ہوگا کہ آپ گوشت نہیں بلکہ کچھ اور کھا رہے ہیں۔
اس پھل کو کاٹنے سے قبل اس کی مہک ذرا سی ناگوار ہوتی ہے تاہم کھاتے ہوئے یہ مہک پریشان نہیں کرتی۔
یہ پھل اگنے میں بھی بہت آسان ہے اور اس کا درخت قحط، گرم درجہ حرارت، کیڑے مکوڑوں اور مختلف بیماریوں کو باآسانی سہہ جاتا ہے۔
سب سے دلچسپ بات یہ ہے کہ یہ پھل جنوبی اور جنوب مشرقی ایشیا میں پایا جاتا ہے، یعنی اسی خطے میں جہاں ہم رہتے ہیں۔
