کراچی : سانحہ صفورا کے گرفتارملزم حافظ عمر نے انکشاف کیا ہے کہ داعش کی میٹنگ میں میڈیا پرحملےکا منصوبہ بنایا گیا تھا۔
میٹنگ میں طے کیا گیا کہ میڈیا کو آپریشن ضرب عضب کی حمایت کرنے اورداعش کو دہشت گرد کہنے کی سزا دینی ہے۔
تفصیلات کے مطابق سانحہ صفورا کے گرفتار اور اہم دہشت گرد حافظ عمر نے دوران تفتیش اہم انکشاف کردیا۔
- Advertisement -
ملزم نے انکشاف کیا کہ گرفتاری سے دو ماہ پہلے داعش کی ایک میٹنگ ہوئی تھی۔ جس میں طے کیا گیا تھا کہ آپریشن ضرب عضب کی حمایت اورداعش کو دہشت گرد کہنے کیخلاف میڈیا پر حملے کئے جائیں گے۔
اس فیصلے کے بعد نجی ٹی وی چینلز کی ڈی ایس این جی وینز اور دفاتر پر حملے کئے گئے۔ دہشت گرد حافظ عمر پاکستان میں داعش کا امیر تھا۔ سیکورٹی اداروں نے اسے گجرانوالہ سے گرفتار کیا ہے۔
