پی سی بی مینجمنٹ کمیٹی کے چیئرمین نجم سیٹھی کا کہنا ہے کہ پی ایس ایل آٹھویں سیزن نے ڈیجیٹل میڈیا میں آئی پی ایل سے بہتر کارکردگی دکھائی ہے۔
پی سی بی مینجمنٹ کمیٹی کے چیئرمین نجم سیٹھی نے نیوز کانفرنس کرتے ہوئے بتایا کہ آئی پی ایل کے مقابلے میں پاکستان سپر لیگ کی میڈیا ریٹنگ زیادہ ہے۔
انہوں نے کہا کہ پی ایس ایل آدھے مرحلے پر تھا جب میں نے ڈیجیٹل ریٹنگ کے بارے میں پوچھا تو ہماری ریٹنگ گیارہ پر تھی لیکن اب ایونٹ مکمل ہوگا تو ریٹنگ 18 یا 20 ہوگی۔
نجم سیٹھی کے مطابق ڈیجیٹل پر پی ایس ایل کو 150 ملین سے زائد لوگوں نے دیکھا یہ کوئی چھوٹی بات نہیں۔
انہوں نے کہا کہ اسی مرحلے پر انڈین پریمیئر لیگ کی ریٹنگ 130 ملین تھی تو یہ پاکستان کی بڑی کامیابی ہے۔
واضح رہے کہ پی ایس ایل 8 کا فائنل اب سے کچھ دیر کے بعد لاہور میں لاہور قلندرز اور ملتان سلطانز کے درمیان کھیلا جائے گا۔
