اسلام آباد : شہید ارشد شریف کے پوسٹ مارٹم کیلئے 6 سینئر ڈاکٹرز پر مشتمل میڈیکل بورڈ تشکیل دے دیا گیا۔
تفصیلات کے مطابق شہید ارشد شریف کے پوسٹ مارٹم کیلئے پمز اسپتال کا 6 سینئر ڈاکٹرز پر مشتمل میڈیکل بورڈ تشکیل دے دیا۔
ترجمان پمز نے کہا کہ ڈاکٹر فرخ کمال کی سربراہی میں 6 رکنی ٹیم تشکیل دی گئی ہے، میڈیکل بورڈ ارشد شریف کا پوسٹ مارٹم کرے گا۔
شہید ارشد شریف کی میت کو پوسٹ مارٹم کیلئے قائداعظم اسپتال سے پمز اسپتال کے لئے روانہ کردیا گیا ہے، اس موقع پر ارشد شریف کے اہل خانہ موجود ہے۔
ارشدشریف کے جسد خاکی کومنتقل کرنے کے موقع پر پولیس کی بھاری نفری قائداعظم انٹرنیشنل اسپتال کے باہر تعینات ہیں۔
خیال رہے صحافی ارشد شریف کا کینیا میں پوسٹ مارٹم ہوا تھا تاہم اہلخانہ نے تحفظات کا اظہار کرتے ہوئے دوبارہ پوسٹمارٹم کرانے کا فیصلہ کیا تھا۔
یاد رہے گذشتہ رات ارشد شریف کا جسد خاکی پاکستان پہنچایا گیا تھا، ارشد شریف کی نماز جنازہ اور تدفین کل وفاقی دارالحکومت اسلام آباد میں ہوگی۔
