تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

بلوچستان کے سیلاب متاثرین کے لیے ادویات اور ویکسین روانہ کی جارہی ہیں: وفاقی وزیر صحت

اسلام آباد: وفاقی وزیر صحت عبدالقادر پٹیل کا کہنا ہے کہ بلوچستان کے سیلاب متاثرین کے لیے ادویات اور ویکسین بھجوائی گئی ہیں اور مزید روانہ کی جارہی ہیں، 12 ڈاکٹرز پر مشتمل ٹیم بھی لسبیلہ بھجوائی گئی تھی۔

تفصیلات کے مطابق وفاقی وزیر صحت عبدالقادر پٹیل کا کہنا ہے کہ حالیہ دنوں میں سیلاب سے تباہ کاریاں ہوئی ہیں، وزرات صحت مشکل وقت میں سیلاب زدگان کے ساتھ ہے۔

وفاقی وزیر صحت کا کہنا ہے کہ سیلاب زدہ علاقوں کے لیے ویکسین اور ادویات بھجوائی ہیں، مزید ویکسین جلد روانہ کی جائیں گی، اسلام آباد سے 12 ڈاکٹرز پر مشتمل ٹیم لسبیلہ بھجوائی گئی تھی۔

انہوں نے کہا کہ بلوچستان کے لیے 36 ہزار دوا لگی مچھر دانیاں بھجوا چکے ہیں، دیگر سیلاب زدہ علاقوں کے لیے بھی 14 لاکھ مچھر دانیاں جلد روانہ کی جائیں گی، سندھ کے لیے 6 لاکھ مچھر دانیاں بھجوا دی گئی ہیں۔

وزیر صحت کا کہنا تھا کہ ڈیڑھ کروڑ روپے کی مزید ادویات بلوچستان اور سندھ بھجوا رہے ہیں، ملک میں سانپ کے کاٹے کی ویکسین وافر مقدار میں موجود ہیں، سیلاب زدہ علاقوں کی خواتین کے لیے ڈیلیوری کٹس بھی بھجوا رہے ہیں۔

انہوں نے مزید بتایا کہ سیلاب زدگان کے لیے کل ڈونرز کا اجلاس بلا رہے ہیں۔

Comments

- Advertisement -