کراچی کے سول اسپتال سے مبینہ طور 36 کروڑ مالیت کی کینسر کی ادویات چوری ہو گئیں۔
محکمہ صحت کے ملازمین کےخلاف تھانہ عیدگاہ میں چوری کا مقدمہ درج کر لیا گیا۔ مقدمہ میڈیکل سپرنٹنڈنٹ سول اسپتال کی مدعیت میں درج کیا گیا۔
سول اسپتال سے 10 ماہ میں کینسر کی 76ہزار گولیاں چوری کی گئیں۔ سول اسپتال میں تعینات نیاز خاصخیلی اور اقبال چنا چوری میں ملوث قرار دیا گیا ہے۔
- Advertisement -
کینسر کی چوری ہونے والی میڈیسن کی مالیت 36 کروڑ روپے ہے۔ محکمہ صحت کے دونوں ملازمین کی گرفتاری کیلئے پولیس چھاپے مار رہی ہے تاہم کوئی گرفتاری عمل میں نہیں لائی گئی۔
دوائیاں 17 فروری 2023 سے 26 ستمبر 2023 کے عرصہ میں غائب کی گئیں۔ سپرنٹنڈنٹ کا کہنا ہے کہ شکایت ملی کہ ادویات مدت سے پہلےختم ہو رہی ہیں جس پر انکوائری کی گئی۔
