نیویارک : پاکستان کی انشا افسر نے ہمت اور حوصلے کی مثال قائم کردی، سولہ سال لڑکی ایک ٹانگ پر اسکینگ کر کے بڑوں بڑوں کو مات دیدی ہے۔
تفصیلات کے مطابق چٹان جیسی ہمت اور حوصلہ نے چٹانوں کا شیر بنا دیا ، پاکستان کی انشا افسر دنیا کے لیے روشن مثال بن گئیں، 2005 کے زلزلے میں اپنی ٹانگ کھونے والے انشا نے ایک ٹانگ پر برفانی پہاڑوں پر اسکینگ کرتی ہیں تو سب دیکھتے رہ جاتے ہیں۔
سولہ سالہ انشا کا کہنا ہے زمین سے برف تک کا سفر آسان نہیں تھا، تکلیفوں اور آزمائشوں نے کئی بار راستہ روکا، میرا تعلق ایسے جگہ سے ہے، جہاں لڑکیوں کو ایتھلیٹ بنانے کا کوئی نہیں سوچتا ۔
انشا افسر نے کہا کہ میں سب کیلئے مثالی بننا چاہتی ہوں تاکہ لوگوں کو حوصلہ ملے اور وہ جو چاہے کرسکے ، ایک ٹانگ سے اسکینگ کرتی انشا بڑوں بڑوں کو پیچھے چھوڑ دیتی ہے۔
انشا کا اگلہ ہدف 2018 میں جنوبی کوریا کے پیرالمپکس میں پاکستان کی نمائندگی کرنا ہے۔
