لندن: شہزادہ ہیری کی اہلیہ میگھن مرکل نے گزشتہ روز اپنی 37ویں سالگرہ پر شہزادہ ہیری کے ساتھ ان کے دوست کی شادی میں شرکت کی۔
تفصیلات کے مطابق میگھن مرکل جہاں جاتی ہیں توجہ کا مرکز بن جاتی ہیں ایسا ہی کچھ شہزادہ ہیری کے دوست کی شادی پر بھی دلہا دلہن کو چھوڑ کر سب کی توجہ کا مرکز میگھن مرکل ہی تھیں۔
ہیری کے دوست کی شادی کی تقریب میں میگھن اور ہیری ایک دوسرے کے ہاتھ میں ہاتھ ڈالے بھی نظر آئے جو شاہی خاندان میں تہذیب کے خلاف سمجھا جاتا ہے۔
میگھن مرکل اور شہزادہ ہیری نے اپنے قریبی اور بچپن کے دوست کی شادی میں شرکت کے ساتھ ان کی اہم رسومات بھی ادا کیں۔
شہزادہ ہیری شادی میں شرکت کے لیے بلیک کلر کا کوٹ پہن رکھا تھا جبکہ ان کی اہلیہ میگھن نے بھی بلیک ڈریس کا ہی انتخاب کیا، شادی میں جہاں لوگ نوبیہاتا جوڑے کو مبارکباد دے رہے تھے وہیں میگھن مرکل کو ان کی سالگرہ پر بھی نیک تمناؤں کی دعا دی گئی۔
واضح رہے کہ ہیری کے دوست 19 مئی کو ہونے والی شہزادہ ہیری اور میگھن کی شادی میں بھی بڑھ چڑھ کر حصہ لے رہے تھے۔
