لندن: برطانوی شہزادی میگھن مارکل نے اعتراف کیا ہے کہ وہ بطور شاہی ماں اپنا کردار پوری طرح سے ادا نہیں کر پارہیں۔
برطانوی ویب سائٹ کی رپورٹ کے مطابق گزشتہ دنوں میگھن مارکل ایک انٹرویو کے موقع پر آب دیدہ ہوگئی تھیں، جس کی تصاویر اب سامنے آئی ہی اور شہزادی کے اعتراف کیا کہ وہ خود کو ٹھیک نہیں سمجھتیں۔
رپورٹ کے مطابق شاہی جوڑے کی زندگی پر بنائی جانے والی ڈاکیومنٹری کی ریکارڈنگ کے دوران ایک منظر عکس بند کرواتے ہوئے میگھن مارکل کو رونا آگیا تھا۔ برطانوی شہزادی نے اب اپنے رونے کی وجہ بیان کرتے ہوئے کہا ہے کہ ’’میں شاہی ماں کی حیثیت سے کردار ادا نہیں کر پارہی، ماضی کے مقابلے میں اب زندگی بہت زیادہ تبدیل ہوگئی‘‘۔
مزید پڑھیں: برطانوی شہزادہ ہیری تقریب کے دوران رو پڑے
میگھن مارکل کا کہنا تھا کہ ’’جب ایک خاتون حاملہ ہو اور اُس پر سب نظریں رکھے ہوئے ہوں، اس اقدام کی وجہ سے بہت ذیادہ ذہنی دباؤ پڑتا ہے، یہ میرے اور آرچی کے لیے بہت بڑا چیلنج تھا‘‘۔
’’ایک خاتون ہونے کی حیثیت سے یہ دباؤ کوئی اور نہیں سمجھ سکتا، مجھ سے بہت سارے لوگ پوچھتے تھے کیا میں ٹھیک ہوں؟ مگر مجبوری میں انہیں ہاں جواب دینا ہوتا تھا مگر حقیقت یہ تھی کہ میں ٹھیک نہیں تھی‘‘۔
یاد رہے کہ ایک برس قبل مئی میں برطانوی شاہی خاندان کے چھوٹے شہزادے ہیری اور امریکی اداکارہ میگھن مرکل رشتہ ازدواج میں منسلک ہوئے تھے۔ دونوں کی شادی کو سال کی سب سے بڑی شادی قرار دیا گیا تھا۔
