لاہور: پنجاب کے مختلف شہروں میں بارشوں سے سردی بڑھ گئی ہے اور موسم نہایت سہانا ہوگیا ہے۔ راولپنڈی، اسلام آباد اورلاہورمیں لوگوں نے موسم انجوائے کرنے کیلئے تفریحی مقامات کا رخ کرلیا ہے۔
محکمہ موسمیات نے مزید رم جھم کی پیش گوئی کردی ہے۔ تفصیلات کے مطابق پنجاب کے مختلف شہروں میں بارشوں سے ٹھنڈ بڑھ گئی ہے اور موسم خوشگوار ہوگیا ہے۔
راولپنڈی اور اسلام آباد میں وقفے وقفے سے بارش ہورہی ہے۔ لوگ موسم کو انجوائے کررہے ہیں ۔ دوسرے شہروں سے آئے ہوئے لوگوں نے تفریحی مقامات کا رخ کرلیا ہے۔
لاہور میں موسم بارش سے رنگین ہوگیا ہے۔ کہیں تیز بارش تو کہیں پھوار پڑ رہی ہے۔ بچوں نے سہانے موسم میں چڑیا گھر کا رخ کرلیا۔
سیالکوٹ گردونواح اورکالاباغ کے علاقوں میں بارش سےموسم خوشگوار ہوگیا ہے۔ محکمہ موسمیات نے اسلام آباد،راولپنڈی لاہور، بہاولپور،فیصل آباد،ساہیوال،ملتان، گوجرانوالہ اور سرگودھا میں مزید بارشوں کی پیشگوئی کی ہے۔
محکمہ موسمیات کے مطابق خیبرپختونخوا کے بالائی علاقوں ، مالاکنڈ، ہزارہ ، پشاور،مردان،کوہاٹ،بنوں میں بھی مزید موسلادھاربارش کاامکان ہے۔
میٹ آفس کے مطابق بارشوں سے کشمیر، کےپی کے ، فاٹا،ڈی جی خان کے ندی نالوں میں طغیانی کاخدشہ ہے ۔ لاہور،راولپنڈی،گوجرانوالہ کےنشیبی علاقے بھی زیرآب آسکتے ہیں۔
ادھر کراچی میں آج درجہ حرارت 31ڈگری سینٹی گریڈرہنےکاامکان ہے,جبکہ لاہورمیں 21 اسلام آبادمیں 17پشاور میں اور 16 کوئٹہ میں بھی درضہ حرارت 16ڈگری سینٹی گریڈ رہنے کی پیش گوئی کی گئی ہے۔
