بنگلا دیش کرکٹ بورڈ (بی سی بی) نے اسٹار آل راؤنڈر مہدی حسن میراز کو نجم الحسین شانتو کی جگہ قومی ون ڈے ٹیم کا نیا کپتان مقرر کیا ہے۔
وہ اگلے 12 ماہ تک ٹیم کی قیادت کریں گے اور ان کی پہلی ذمہ داری سری لنکا میں آئندہ ماہ ہونے والی تین میچوں کی ون ڈے سیریز ہوگی۔
میراز اس سے قبل ٹیم کے نائب کپتان کے طور پر خدمات انجام دے چکے ہیں اور انہوں نے شانتو کی غیر موجودگی میں چار ون ڈے میچوں میں ٹیم کی کپتانی بھی کی۔
آل راؤنڈر نے کپتان مقرر ہونے کے بعد اظہار تشکر کرتے ہوئے بے خوف کرکٹ کھیلنے اور اپنے کردار پر پوری طرح کاربند رہنے کے عزم کا اظہار کیا ہے۔
انہوں نے کہا کہ "قومی ٹیم کی کپتانی کرنا ایک خواب پورا ہونا ہے بورڈ نے مجھ پر جو اعتماد کیا ہے اس سے میں ناقابل یقین حد تک قابل احترام ہوں، یہ میرے اور میرے خاندان کے لیے قابل فخر لمحہ ہے۔”
مہدی اگلے ماہ سری لنکا میں بنگلہ دیش کی آئندہ تین میچوں کی ون ڈے سیریز کے دوران باضابطہ طور پر اپنے دور کا آغاز کریں گے۔
