اسلام آباد: صدرارتی امیدوار محمود اچکزئی کا کہنا ہے کہ الیکشن اچھے ماحول میں ہوئے مجھے ایسے لوگوں نے بھی ووٹ دیا جو پی ٹی آئی کے ممبر نہیں تھے۔
اے آر وائی نیوز کے مطابق محمود اچکزئی نے میڈیا سے گفتگو کرتے ہوئے کہا کہ بہت سے ارکان نے کہا دل کی بات تو یہ ہے کہ آپ کو ووٹ دوں، پی ٹی آئی کے دوستوں کا شکر گزار ہوں انہوں نے سپورٹ کیا۔
انہوں نے کہا کہ بعض لوگ سمجھتے ہیں پاکستان میں سب کچھ بیچا اورخریدا جاسکتا ہے، بعض لوگ اس بات کی مخالفت کرتے ہیں ، میں اُن میں سے ہوں۔
محمود اچکزئی نے کہا کہ خیبرپختونخوا میں تمام 90 ارکان نے مجھے ووٹ دیا، پنجاب، پشاور میں چارجڈ فضا اچھے مستقبل کی نشاندہی نہیں کررہی۔
انہوں نے کہا کہ اسپیکر صاحب کی کیا بات ہے وہ ستنا ہی نہیں، آئین پارلیمان نے بنایا ہے اگر کوئی تبدیلی کرنی ہے تو وہ پارلیمان نے کرنی ہے، پارلیمان کے مسائل کیوں عدالتوں میں لے جارہے ہیں۔
محمود اچکزئی نے کہا کہ ٹھیک ہیں آپ کی قدورتیں ہونگی مگر عوام کی بڑی تعداد نے ایک پارٹی ووٹ دیا، ہم چھوٹے مسائل بہت بڑے ہیں معمولی غلطی خطے کو برباد کردے گی۔
انہوں نے کہا کہ میرے صوبے سے مجھے ایک ووٹ نہیں آیا، میں الیکشن کمیشن کو خط لکھا کہ ایوان پورا نہیں، سینئر لوگوں کو کہا 5 سے 7 روز الیکشن آگے ہونے سے فرق نہیں پڑتا، پوری کوشش کریں گے ایوان پورا ہوجائے۔
