پاکستان تحریک انصاف (پی ٹی آئی) کے وائس چیئرمین شاہ محمود قریشی کا کہنا ہے کہ جو نگران سیٹ اپ لایاگیا ہے وہ پر امن انتخابات کرانےکا اہل نہیں۔
اے آر وائی نیوز کے پروگرام ’الیونتھ آور‘ میں گفتگو کرتے ہوئے شاہ محمود قریشی نے کہا کہ کہ ہم ملک میں افراتفری نہیں چاہتے، حکومت کے پاس انتخابات کروانےکا آئینی راستہ ہے۔
رہنما پی ٹی آئی نے کہا کہ انتخابات سے ملک میں افراتفری ختم ہوجائے گی، حکومت اپنی ہٹ دھرمی پرقائم ہے، عوام کے مسائل پر حکومت توجہ نہیں دے رہی ہے۔
شاہ محمود قریشی کا کہنا تھا کہ ان کی کوشش پی ٹی آئی رہنماؤں کو جھوٹے مقدموں میں ملوث کرنا ہے، پی ڈی ایم حکومت مکمل طور پر ناکام ہوچکی ہے، اب عوام حکومت کی چالوں میں نہیں آئیں گے۔
انہوں نے کہا کہ جو نگران سیٹ اپ لایا گیا ہے وہ پر امن انتخابات کرانےکا اہل نہیں، اگر حکومت آئینی ذمہ داری نبھانےکیلئے تیار ہےتوکوئی ذاتی دشمنی نہیں، ہم چاہتے ہیں جہاں اسمبلیاں ہوگئیں وہاں انتخابات کرادیں۔
شاہ محمود قریشی نے کہا کہ کیا ہمارا مطالبہ غیر آئینی اور قانون سے ہٹ کر ہے، موجودہ الیکشن کمیشن کی پرفارمنس سے پوری قوم کو مایوسی ہوئی ہے، شفاف انتخابات کرانا الیکشن کمیشن کی آئینی ذمہ داری ہے، الیکشن قبول کرانا ہے تو ایسے اقدامات لینے ہونگے جس سے عوام کا اعتماد بحال ہو۔
