محراب پور: گاؤں کے باسیوں نے اپنی مہمان نوازی سے ویرانے میں پھنسے پریشان حال ٹرین مسافروں کی مشکل آسان کر دی۔
تفصیلات کے مطابق کراچی سے لاہورجانے والی شالیمار ایکسپریس محراب پورکے قریب حادثے سے بال بال بچی، ٹرین کی خرابی کے باعث چھ گھنٹے ٹریک بند رہا۔
جلد ہی سخت گرمی سے پریشان مسافروں کے کھانے پینے کی تمام اشیا ختم ہوگئیں اور انھیں پریشانی اور اندیشوں نے آن گھیرا.
ایسے میں قریبی دیہات کے باسیوں نے پریشان حال مسافروں کی مدد کر کے انسانی خدمت کی انوکھی مثال قائم کی.
مسافروں کے لیے گھڑے اور کولروں میں پانی لایا گیا، کچھ لوگ برتن میں دودھ لے آئے، کچھ نوجوان بوریاں برف لیے پہنچے، تھوڑی دیرمیں چنا پلاؤ کی دیگ بھی آگئی۔
غریب گاؤں والوں نے چاول کھلانے اور پانی پلانے کے لیے مٹی کے برتن استعمال کیے اور اپنے خلوص سے مصبیت زدہ مسافروں کے دل جیت لیے.
اسی دوران ریلوے کی امدادی کاروائیاں مکمل ہوئیں تو ٹرین کو واپس محراب پور لانے کا فیصلہ کیا گیا.
گوٹھ نوّں پوترا کے مکینوں کے اس دل پذیر اقدام کی تصاویر سوشل میڈیا پر وائرل ہوگئیں، جنھیں بھرپور انداز میں خراج تحسین پیش کیا گیا.
سمر اسپیشل ووکیشن ٹرینیں اب 10 جولائی تک چلیں گی
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
