کراچی: تمغہ امتیاز حاصل کرنے والی پاکستانی اداکارہ مہوش حیات نے اہم سنگ میل عبور کرلیا۔
شوبز انڈسٹری سے وابستہ شخصیات مداحوں کے ساتھ رابطہ رکھنے کے لیے سوشل میڈیا ایپ پر کافی متحرک نظر آتی ہیں اور وہ اپنے کام کے حوالے سے بھی وقتاً فوقتاً سب کو آگاہ کرتی رہتی ہیں۔
اگر بات کی جائے تو سوشل میڈیا کے تقریباً تمام ہی پلیٹ فارمز پر شوبز انڈسٹری سے وابستہ شخصیات موجود ہیں، جو نہ صرف اپنی پوسٹیں شیئر کرتی بلکہ مداحوں کی جانب سے ملنے والے کمنٹس کو بھی پڑھتی ہیں۔
پاکستانی فلم انڈسٹری کی معروف اداکارہ مہوش حیات کے ٹویٹر پر فالوورز کی تعداد 10 لاکھ سے زائد ہوگئی۔
Thrilled that we are now a family of 1 million. I have loved the spirited debates we have had and feel blessed to be given a voice that many listen to. Thank you all even “the haters” and “trolls” … you make it fun! 😽
— Mehwish Hayat TI (@MehwishHayat) December 20, 2019
انہوں نے ٹویٹر پر لکھا کہ ’میں نے جوش و خروش سے بھرپور مباحثے کو پسند کیا اور مجھے بہت خوشی ہے کہ بہت سے لوگوں کو سننے والی آواز ملی۔
اداکارہ مہوش حیات نے ٹویٹر ناقدین کا شکریہ ادا کرتے ہوئے کہا کہ مجھے آپ کی تنقید اچھی لگتی ہے اور آپ اسی طرح مذاق اڑاتے رہیں۔
واضح رہے کہ دو روز قبل اداکارہ نے اپنے انسٹاگرام اکاؤنٹ پر بچپن کی تصویر شیئر کی تھی جس میں وہ شہ بالا کے روپ میں دکھائی دے رہی تھیں۔
مداحوں کی جانب سے اداکارہ کی تصویر کو بے حد پسند کیا تھا اور اداکار و میزبان یاسر حسین نے کہا تھا کہ میری شادی میں بھی شہ بالا بن جاؤ۔
یاد رہے کہ چند روز قبل اداکارہ ایمن خان کے انسٹاگرام پر فالوورز کی تعداد 50 لاکھ سے تجاوز کرگئی تھی وہ ماہرہ خان کے بعد 50 لاکھ فالوورز حاصل کرنے والی دوسری اداکارہ ہیں۔
