پاکستان کی معروف سیئنر اداکارہ مہوش حیات نے ہالی ووڈ رومانٹک کامیڈی ڈراما سیریز ’ایمیلی اِن پیرس‘ کے سیزن 4 میں انٹری دیدی۔
پاکستانی اداکارہ مہوش حیات نے فوٹو اینڈ ویڈیو شیئرنگ ایپ انسٹاگرام پر ایک پوسٹ شیئر کی جس میں اداکارہ کے ہمراہ امریکی ڈراما سیریز ’ایمیلی اِن پیرس‘ کے میل لیڈ اداکار لوکس براوو کو دیکھا جاسکتا ہے۔
&
View this post on Instagram
nbsp;
میڈیا رپورٹس کے مطابق سیریز میں لوکس براوو سیریز کے مرکزی کردار ایمیلی کے لو انٹرسٹ ’گیبریئل‘ کا اہم کردار نبھارہے ہیں، شیئر کی گئی تصاویر میں مہوش حیات کو کچن نماں سیٹ پر لوکس براوو اور اسٹیفن براؤن کے ساتھ پوز دیتے دیکھا جاسکتا ہے۔
پوسٹ کے کیپشن میں مہوش حیات نے لکھا کہ ’ پرکشش لوکس براوو اور پارٹنر اِن کرائم پروڈیوسر اسٹیفن براؤن کے ساتھ ایمیلی اِن پیرس کے سیزن کے پریمئر کے سیٹ پر ملنا خوشگوار رہا‘۔
اداکارہ مہوش حیات نے لکھا کہ ’ کس کو معلوم کے اگلے سیزن میں گیبریئل کی لو لائف میں پاکستانی مسالوں کا تڑکا لگنے والا ہو‘۔
واضح رہے کہ پاکستان کی معروف اداکارہ مہوش حیات نے پاکستانی ڈرامہ سیریل اور فلموں میں اپنی بہترین اداکارہ کے جوہر دکھائے، اب اپنی فن کا لوہا منوانے کے لئے ہالی ووڈ کی دنیا میں پہنچ گئیں ہیں۔
