جوبائیڈن نے ایک روز قبل امریکا کے 46ویں صدر کی حیثیت سے عہدے کا حلف اٹھایا اور انہوں نے کل سے ہی سرکاری امور انجام دینا شروع کردیے۔
امریکی میڈیا رپورٹ کے مطابق جوبائیڈن نے امریکی صدر کے عہدے کا حلف اٹھانے کے بعد مسلمانوں پر سفری پابندی، طبی مسائل اور ماحولیاتی تبدیلیوں کے حوالے سے 15 صدارتی حکم ناموں پر دستخط کیے۔
بعد ازاں جوبائیڈن نے وائٹ ہاؤس کے ملازمین سے ورچوئل ملاقات کی اور انہیں سب کی عزت کرنے کی ہدایت کی۔
جوبائیڈن نے ملازمین کو مخاطب کر کے خبردار کیا کہ اگرانہوں نے کسی کی عزت نہیں کی اور کسی کی بھی تضحیک کرتے نظر آئے تو انہیں موقع پر ہی نوکری سے نکال دیا جائے گا۔
جوبائیڈن کو امریکی صدر کا حلف اٹھانے کے بعد دنیا بھر سے تہنیتی پیغامات موصول ہوئے، تقریباً ہر شخص نے ہی امریکی صدر کی تبدیلی کو مثبت قرار دیا۔
ستارہ امتیاز حاصل کرنے والی پاکستانی اداکارہ مہوش حیات نے بھی جوبائیڈن کی تقریب حلف برداری سے متعلق ایک ٹویٹ کیا جس میں انہوں نے لکھا کہ ’ایک بار پھر تمام نظریں امریکا کے نئے صدر جانب ہوگئیں‘۔
All eyes turn again to US as they swear in a new President-finally. What happens in DC has reverberations around the world. After an “interesting”4 years, I hope that this signals a new dawn for my US friends and also the rest of us ! #Inauguration2021 #PresidentElectBiden 🇺🇸
— Mehwish Hayat TI (@MehwishHayat) January 20, 2021
انہوں نے لکھا کہ ’واشنگٹن میں جو کچھ بھی ہوتا ہے اُس کی دنیا بھر میں گونج ہوتی ہے، دلچسپ بات یہ ہے کہ ایسا ہر چار سال بعد ہوتا ہے‘۔
مہوش حیات نے کہا کہ ’مجھے امید ہے کہ یہ تبدیلی میرے امریکا میں رہنے والے دوستوں اور دیگر لوگوں کے لیے اچھی ثابت ہوگی اور اُن کے لیے یہ ایک نئی شروعات کا اشارہ ہوگا‘۔