امریکی خاتون اول میلانیا ٹرمپ کا جہاز حادثے سے بال بال بچ گیا melania trump
The news is by your side.

Advertisement

امریکی خاتون اول میلانیا ٹرمپ کا جہاز حادثے سے بال بال بچ گیا

واشنگٹن: امریکی خاتون اول میلانیا ٹرمپ کا جہاز حادثے سے بال بال بچ گیا، خطرہ محسوس ہوتے ہی جہاز کو باحفاظت اتار لیا گیا۔

غیرملکی خبررساں ادارے کے مطابق امریکی خاتون اول میلانیا ٹرمپ کا جہاز حادثے سے بچ گیا، خطرہ محسوس ہوتے ہی جہاز کو باحفاظت جوائنٹ اینڈریو ایئربیس پر لینڈ کرالیا گیا، جہاز میں معمولی خرابی ہوگئی تھی۔

رپورٹ کے مطابق میلانیا ٹرمپ میری لینڈ سے فلاڈیلفیا جانے کے لیے جہاز سے روانہ ہوئیں تو ٹیک آف کے 15 منٹ بعد عملے کو جہاز میں کچھ جلنے کی بو کا احساس ہوا، فوری طور پر مسافروں کو چہرہ ڈھکنے کے لیے گیلے تولیے دئیے گئے اور ہنگامی لینڈنگ کی گئی۔

ترجمان میلانیا ٹرمپ نے کہا کہ سب کچھ ٹھیک ہے اور سب لوگ محفوظ ہیں جہاز میں معمولی سی خرابی ہوئی تھی۔

میلانیا ٹرمپ کو جہاز میں خرابی کے بعد دوسرے طیارے سے دس منٹ بعد ہی فلاڈیلفیا پہنچا دیا گیا۔

امریکی خاتون اول ترجمان کے مطابق میلانیا ٹرمپ کو فلاڈیلفیا میں منشیات کے عادی افراد سے اسپتال میں ملاقات کی اور ایک سیمینار سے خطاب کیا، میلانیا نے تاخیر سے پہنچنے پر معذرت کی اور کہا کہ آپ سب لوگوں سے مل کر بہت اچھا لگا۔

مزید پڑھیں: میلانیا ٹرمپ کا دورہ مصر، قدیم تہذیبی روایات پر حیرت کا اظہار

واضح رہے کہ میلانیا ٹرمپ گھانا، ملاوی، کینیا اور مصر کا دورہ بھی کرچکی ہیں، دورہ مصر کے دوران انہوں نے قدیم تہذیبی روایات پر حیرت کا اظہار کیا تھا۔

Comments

comments

یہ بھی پڑھیں