واشنگٹن : امریکی صدر ٹرمپ کی اہلیہ نے ٹیکساس سینٹر میں تارکین وطن کے بچوں سے ملاقات کے دوران ’مجھے کسی کی پرواہ نہیں‘ درج الفاظ کی جیکٹ ملبوس کرنے پر تنقید کا سامنا کرنا پڑ رہا ہے۔
تفصیلات کے مطابق امریکی صدر ڈونلڈ ٹرمپ کی اہلیہ میلانیا ٹرمپ کو ٹیکساس سینٹر میں تارکین وطن بچوں سے ملاقات کے دوران متنازع الفاظ کی پرنٹنگ والی جیکٹ پہننے پر تنقید کا نشانہ بنایا جارہا ہے۔
غیر ملکی خبر رساں ادارے کا کہنا تھا کہ خاتون اوّل میلانیا ٹرمپ نے جہاز میں سوار ہوتے وقت جو جیکٹ پہنی ہوئی تھی اس کی پشت پر لکھا تھا ‘مجھے کوئی پرواہ نہیں ہے، آپ کو ہے‘۔
میلانیا ٹرمپ کی خاتون ترجمان کا کہنا ہے کہ امریکی صدر کی اہلیہ کے جیکٹ پر لکھے ہوئے الفاظ میں ’کوئی پوشیدہ پیغام نہیں ہے‘۔
“I REALLY DON’T CARE, DO U?” written on the back of Melania’s jacket, refers to the Fake News Media. Melania has learned how dishonest they are, and she truly no longer cares!
— Donald J. Trump (@realDonaldTrump) June 21, 2018
امریکی صدر ڈونلڈ ٹرمپ اپنی اہلیہ کو تنقید کا نشانہ بنائے جانے کے بعد سماجی رابطے کی ویب سایٹ ٹویٹر پر پیغام دیا ہے کہ ’میلانیا ٹرمپ کی جیکٹ پر لکھے ہوئے الفاظ فیک نیوز والوں کے لیے تھے، جنہیں غلط رُک دیا جارہا ہے‘۔
امریکی صدر ڈونلڈ ٹرمپ کا کہنا تھا کہ فیک نیوز بنانے والوں کی غلط خبروں سے میلانیا کو کوئی فرق نہیں پڑتا۔
غیر ملکی میڈیا کا کہنا تھا کہ ٹویٹر استعمال کرنے والے صارفین نے میلانیا ٹرمپ کی ان الفاظ ’مجھے کوئی پرواہ نہیں، آپ کو ہے‘ والی جیکٹ میں تصاویر اور جیکٹ پر درج الفاظ میں ’کوئی پوشیدہ پیغام نہیں ہے‘ کا ٹویٹ دیکھا تو انہیں خوب تنقید کا نشانہ بنایا۔
ٹویٹر استعمال کرنے والے ایک صارف نے ٹویٹ کیا کہ اگر میلانیا ٹرمپ کسی اور موقع پر یہ جیکٹ پہنی ہوتی تو اس فوٹو کو 80 ہزار لوگ ان ہی الفاظ کے ساتھ ٹویٹ کرتے۔
if melania had worn that jacket on almost any other day, the photo would have like 80,000 manual retweets of people just saying "same”
— Sam Baker (@sam_baker) June 21, 2018
غیر ملکی خبر رساں ادارے کے مطابق خاتون کو ٹیکساس جاتے ہوئے جیکٹ پہنے ہوئے نہیں دیکھا تھا مگر جب وہ واپس واشنگٹن آئی تو انہوں نے جیکٹ پہنا ہوا تھا۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں