اسلام آباد : الیکشن کمیشن کے ممبر پنجاب نے توشہ خانہ کیس کے فیصلے پر دستخط کردیئے۔
تفصیلات کے مطابق الیکشن کمیشن کے ترجمان کی جانب سے کہا گیا ہے کہ توشہ خانہ کیس میں ممبر پنجاب نے فیصلے پر دستخط کردیئے ہیں۔
ترجمان کا کہنا ہے کہ دو دن چھٹی تھی ،تمام صورتحال آج واضح ہو جائے گی۔
گذشتہ روز الیکشن کمیشن آف پاکستان (ای سی پی) کی جانب سے توشہ خانہ کیس کا تفصیلی فیصلہ جاری کرنے میں تاخیر کی وجہ سامنے آئی تھی۔
ذرائع نے بتایا تھا کہ توشہ خان کے فیصلے سے متعلق اہم پریس کانفرنس کی تیاری کی اطلاعات آرہی ہیں اور اس سے متعلق اہم پریس کانفرنس کا امکان ہے۔
الیکشن کمیشن کے ذرائع کا کہنا تھا کہ توشہ خانہ کیس کا تفصیلی فیصلہ جلد جاری کیا جائے گا، عمران خان کی نااہلی کے فیصلے پر کوئی فرق نہیں پڑے گا۔
واضح رہے کہ عمران خان کی جس ٹرم کی نااہلی قرار دی گئی ہے اس سے وہ فیصلہ آنے کے بعد مستعفی ہوچکے ہیں، عمران خان 6 حلقوں سے دوبارہ کامیاب ہوئے ہیں جن کا حلف لینا ہے وہ ایک سیٹ پر حلف لیں گے اور رکن قومی اسمبلی بن جائیں گے۔
