اسلام آباد : انتخابات سے ایک ہفتے پہلے تحریک انصاف نے ق لیگ کی ایک اور بڑی وکٹ گرادی، اجمل وزیر نے ق لیگ چھوڑ کر پی ٹی آئی میں شمولیت کا اعلان کردیا۔
تفصیلات کے مطابق پاکستان تحریک انصاف نے مسلم لیگ ق کو ایک اور بڑا جھٹکا دے دیا، چیئرمین پی ٹی آئی عمران خان سے اجمل وزیر نے بنی گالہ میں ملاقات کی اور باضابطہ شمولیت کا اعلان کیا اور تحریک انصاف کی قیادت اور منشور پر مکمل اعتماد کا اظہار کیا۔
خیال رہے کہ اجمل وزیر مسلم لیگ ق کے سینئر نائب صدر تھے اور مسلم لیگ ق خیبرپختونخوا کے چیف آرگنائزر بھی رہ چکے ہیں۔
تحریک انصاف کے چیئرمین عمران خان نے مسلم لیگ ق کے رہنما کو پارٹی میں شامل ہونے پر خوش آمدید کہا ہے۔
اجمل وزیر پہلے بھی چیئرمین پی ٹی آئی عمران خان سے ملاقات کرچکے ہیں۔
یاد رہے کہ اس سے قبل مسلم لیگ ق کے رہنما ڈاکٹر عظیم الدین لکھوی اور کرنل (ر) ہاشم ڈوگر، رہنما روبینہ سلہری سمیت متعدد رہنما پاکستان تحریک انصاف میں شامل ہوچکے ہیں۔
