The news is by your side.

ویڈیو: لٹیروں نے ہوٹل پر بیٹھے شہریوں کو لوٹ لیا

کراچی: شہر قائد میں لٹیروں نے چائے کے ہوٹلوں کو لوٹ مار کے لیے آسان ہدف بنا لیا ہے، ایک اور واردات کی سی سی ٹی وی فوٹیج سامنے آ گئی ہے۔

تفصیلات کے مطابق ابو الحسن اصفہانی روڈ پر اسٹریٹ کرائم کی واردات کی فوٹیج میں دیکھا جا سکتا ہے کہ 3 لٹیروں نے چائے کے ہوٹل پر بیٹھے ہوئے 7 شہریوں سے لوٹ مار کی۔

فوٹیج کے مطابق لٹیروں نے اطمینان کے ساتھ شہریوں سے موبائل فون اور نقدی چھینی، 2 خوف زدہ شہریوں نے خود والٹ سے نقدی نکال کر لٹیروں کے حوالے کر دی۔

لٹیروں نے واردات کے دوران چہرے چھپانے کے لیے ماسک پہنے ہوئے تھے، 2 موٹر سائیکلوں پر سوار تین لٹیرے واردات کر کے بہ آسانی فرار ہو گئے۔

یاد رہے کہ گزشتہ روز بھی بہادر آباد میں چائے کے ایک ہوٹل کے باہر بیٹھے شہریوں کو لوٹ لیا گیا تھا۔

Comments

یہ بھی پڑھیں