The news is by your side.

Advertisement

’میرے ہمسفر‘ میں ’شہزادے‘ کی انٹری مداحوں کو بھا گئی

اے آر وائی ڈیجیٹل پر فرحان سعید اور ہانیہ عامر کا ڈرامہ سیریل ’میرے ہمسفر‘ نشر کیا جارہا ہے جس میں ہالا کے شہزادے حمزہ کی انٹری مداحوں کو بھا گئی۔

ڈرامہ سیریل ’میرے ہمسفر‘ میں ہالا اپنی خالہ اور ماموں کی زیادتیوں کا شکار ہے اور شدید کرب ناک زندگی گزارنے پر مجبور ہے کیونکہ اس کے والد ہالا کو اپنی ماں کے گھر چھوڑ کر واپس لندن چلے گئے تھے۔

ہالا کا بچپن اسی طرح خالہ شاہ جہاں (صبا حمید) اور ان کی بیٹیوں کی ڈانٹ ڈپٹ سن کر گزرا اور وہ اسی وجہ سے ہر بات پر ڈری ڈری سی رہتی ہے لیکن اب ڈرامے میں خرم کی انٹری ہوتی ہے جو ہالا سے پیار کرنے لگ جاتا ہے۔

خرم (عمر شہزاد) ہانیہ عامر سے محبت کا ڈرامہ رچا کر اسے سب کے سامنے رسوا کردیتا ہے اور ہانیہ اپنی خالہ اور گھر والوں کے سامنے بدنام ہوجاتی ہے۔

خرم جس نے ہالا کی خالہ شاہجہان سے ملاقات کی تھی اسے یہ ماننے کے لیے گمراہ کیا گیا تھا کہ وہ جھوٹی ہے اور اسے اس کی کہانیوں پر اعتبار نہیں کرنا چاہیے۔

خرم تو اپنے انجام کو پہنچ گیا کیونکہ اس کے ماموں نے اسے گھر سے نکال دیا اور کہا کہ اس نے جان بوجھ کر دو لڑکیوں کو بیوقوف بنایا ہے۔

مداح ڈرامے میں فرحان سعید کی انٹری کو بہت پسند کررہے ہیں اور ان کی آمد پر یہ توقع کررہے ہیں کہ اب شاہ جہاں جو کافی عرصے سے ہالا کے ساتھ ناروا سلوک کررہی ہیں ایسا کرنا اب بند کردیں گی۔

صارفین کی جانب سے ہانیہ عامر کی بھی تعریف کی جارہی ہے کہ انہوں نے اب تک کس طرح کردار ادا کیا ہے۔

Comments

یہ بھی پڑھیں