شوبز انڈسٹری کی ماڈل و اداکارہ میرب علی کی گلوکار چاہت فتح علی خان کے تصاویر وائرل ہوگئیں۔
فوٹو اور ویڈیو شیئرنگ ایپ انسٹاگرام پر اداکارہ میرب علی نے تصاویر شیئر کیں جس میں انہیں گلوکار چاہت فتح علی خان اور کچھ دوستوں کے ساتھ خوشگوار موڈ میں دیکھا جاسکتا ہے۔
میرب علی نے لوکیشن میں بتایا کہ وہ ایچ یو ایف سی کلب میں موجود ہیں جبکہ کیپشن میں لکھا کہ ’پلاٹ ٹوئسٹس آفٹر پلاٹ ٹوئسٹس۔‘
انہوں نے چند گھنٹوں قبل یہ تصاویر شیئر کیں جسے ہزاروں کی تعداد میں مداح دیکھ چکے ہیں اور اس پر تعریفی کمنٹس بھی کررہے ہیں۔
میرب علی سوشل میڈیا پر کافی متحرک رہتی ہیں اور گاہے بگاہے اپنی تصاویر شیئر کرتی رہتی ہیں جسے ان کے مداح بھی پسند کرتے ہیں۔
اس سے قبل بھی انہوں نے تصاویر شیئر کی تھیں جو وائرل ہوگئی تھیں۔
واضح رہے کہ میرب علی اور معروف گلوکار عاصم اظہر کی منگنی گزشتہ سال ہوئی تھی جس کی اطلاع دونوں نے انسٹاگرام پر مداحوں کو دی تھی۔
اداکارہ نے اے آر وائی ڈیجیٹل کے میگا کاسٹ ڈرامہ سیریل ’صنف آہن‘ میں یمنیٰ زیدی (شائستہ خانزادہ) کی بہن کا مختصر کردار نبھایا تھا۔
