The news is by your side.

Advertisement

یوم اقبال پر صدر اور وزیر اعظم کے پیغامات

اسلام آباد: یوم اقبال کے موقع پر صدر مملکت ممنون حسین اور وزیر اعظم شاہد خاقان عباسی نے پیغامات دیتے ہوئے اقبال کے افکار پر عمل کرنے پر زور دیا۔

تفصیلات کے مطابق یوم اقبال پر اپنے پیغام میں صدر مملکت ممنون حسین کا کہنا تھا کہ اپنی شاعری میں اقبال نے پیغام دیا ہے کہ بہادر اقوام مشکلات سے نمٹنے کے لیے محنت اور دل جمعی سے لڑتی ہیں۔

انہوں نے زور دیا کہ قوم کو علامہ اقبال کے افکار کی روشنی میں اپنی صلاحیتوں کا بھرپور استعمال کرتے ہوئے قوم کو ترقی کی راہ پر گامزن کرنا ہوگا۔


وزیر اعظم کا پیغام

یوم اقبال پر وزیر اعظم شاہد خاقان عباسی نے پیغام دیتے ہوئے کہا کہ شاعر مشرق نے آزاد اور خود مختار ریاست کا تصور پیش کیا۔ علامہ اقبال کے افکار نے منزل کے راستے کی نشاندہی کی۔

وزیر اعظم کا کہنا تھا کہ اقبال ہماری فکری روایات کا سب سے روشن حوالہ ہیں، علامہ اقبال نے ایک مستحکم ریاست کا خواب دیکھا جبکہ افکار اقبال نے مایوسی کے ماحول میں امید کا چراغ روشن رکھا۔

انہوں نے مزید کہا کہ موجودہ جمہوری حکومت نے دہشت گردی کے خلاف فیصلہ کن جنگ لڑی، دہشت گردی کے خاتمے سے معیشت مستحکم اور ملکی ترقی ہوئی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں