فٹبال ورلڈکپ کوالیفائر میچ میں برازیل ارجنٹینا کے فینز آپس میں لڑ پڑے جس کے بعد کپتان لیونل میسی احتیجاجاً گراؤنڈ سے باہر چلے گئے۔
برازیل اور ارجنٹائن کے درمیان منگل کی رات ہونے والے ورلڈ کپ کوالیفائر کا آغاز اسٹینڈز میں ہونے والی تشدد کی وجہ سے تقریباً آدھے گھنٹے کی تاخیر سے ہوا۔
ہوا کچھ یوں کہ میچ سے قبل برازیل اور ارجنٹائن کے فینز کی آپس میں جھڑپ ہوگئی، یرازیل گراؤنڈ میں تعینات پولیس نے ارجنٹائن کے حامی پر لاٹھی چارج کردی جس سے فینز بُری طرح زخمی ہوگئے۔
ویڈیو فوٹیج میں کچھ مداحوں کو آپس میں لڑتے بھی دکھایا گیا ہے، تماشائیوں کے درمیان جھگڑا اس قدر بڑھ گیا کہ ارجنٹائن کے کپتان لیونل میسی اور ان کی ٹیم میدان چھوڑ کر اپنے حامیوں کی مدد کے لیے اسٹینڈ میں جاپہنچے۔
ارجنٹائن کے لیونل میسی اور ٹیم نے پولیس سے ٹکر لینے کی بھی کوشش کی لیکن اسٹینڈ میں لگی رکاوٹیں بیچ میں آگئیں بعد ازاں کچھ دیر بعد ارجنٹائن کی ٹیم میدان چھوڑ کر چلی گئی۔
دوسری جانب برازیل تاریخ میں پہلی بار ہوم کوالیفائر ہار گیا اور ارجنٹائن نے ایک صفر سے میچ جیت لیا۔
