ارجنٹینا کو 36 سال بعد فٹبال کا عالمی چیمپئن بنوانے والے فاتح کپتان لیونل میسی نے ریکارڈ آٹھویں بار بہترین فٹبالر کا ایوارڈ اپنے نام کر لیا ہے۔
غیر ملکی میڈیا رپورٹ کے مطابق پیرس میں منعقدہ ایک پروقار تقریب میں چیمپئن کپتان لیونل میسی کو سال 2023 کا بہترین کھلاڑی قرار دیتے ہوئے بیلن ڈی آر ٹرافی دی گئی جو ان کی ریکارڈ آٹھویں ٹرافی ہے جب کہ خواتین کی کیٹیگری میں اسپین کی ورلڈ کپ جیتنے والی اسٹار ایتانا بونماتی کو بیلن ڈی آر ایوارڈ سے نوازا گیا۔
ارجنٹینا کے امیلیانو مارٹینیز بہترین گول کیپر قرار پائے جب کہ انگلینڈ کے نوجوان کھلاڑی جوڈ بیلنگھم کو کوپا ایوارڈ سے نوازا گیا۔
انٹر میامی کے شریک مالک ڈیوڈ بیکہم سے ایوارڈ وصول کرنے کے بعد میسی نے اس ایوارڈ کو آنجہانی لیجنڈ فٹبالر ڈیاگو میرا ڈونا کے نام کیا اور کہا کہ یہ پورے ارجنٹائن ٹیم کے لیے ایک تحفہ ہے جو ہم نے حاصل کیا۔
36 سالہ لیونل میسی نے 2009 میں اپنا پہلا بیلن ڈی آر جیتا تھا اور وہ اب تک 8 بار یہ ایوارڈ جیت چکے ہیں جبکہ ان کے قریب ترین حریف کرسٹیانو رونالڈو ہیں جو 5 بار بیلن ڈی آر ایوارڈ جیت کر اس فہرست میں دوسرے نمبر پر ہیں۔
Best there ever was. Best player on Earth. Best there ever will be.
Leo Messi is eternal. Ballon D’Or #8 for the greatest legend this game has ever seen.
Blessed to have witnessed decades of his dominance. pic.twitter.com/5tTOEdmgOh
— EiF (@EiFSoccer) October 30, 2023
واضح رہے کہ گزشتہ سال فٹبال ورلڈ کپ قطر میں لیونل میسی کی شاندار پرفارمنس کی بدولت ارجنٹائن ورلڈ کپ جیتنے میں کامیاب ہوا تھا۔ ٹورنامنٹ کے دوران سات گول اسکور کرنے پر میسی کو ٹورنامنٹ کا بہترین کھلاڑی قرار دیا گیا تھا۔
میسی نے ارجنٹائن کیلئے فیفا ورلڈ کپ 2022 سمیت 5 ٹائٹل جیتے ہیں۔ اپنے کلب کیریئر میں میسی بارسلونا کلب کیلئے لا لیگا اور یو ای ایف اے چیمپئنز لیگ سمیت 35 ٹائٹل جیت چکے ہیں۔
