کراچی : محکمہ موسمیات نے خبردار کیا ہے کہ کراچی میں 25 سے 27 مئی تک شدید گرمی پڑے گی اور درجہ حرارت41ڈگری سینٹی گریڈتک جانے کا امکان ہے۔
تفصیلات کے مطابق شہرقائدمیں گرمی ایک بارپھرزوردکھانےکوتیارہے ، محکمہ موسمیات نے کراچی میں ایک بارپھرہیٹ ویوالرٹ جاری کردیا اور کہا 25 سے27مئی تک موسم شدیدگرم رہےگا، درجہ حرارت41ڈگری سینٹی گریڈتک جانےکاامکان ہے۔
کراچی میں گرمی کی لہرکی شدت اس ہفتےاوراتوارکوسب سےزیادہ ہوگی اور ہفتے اور اتوار کو درجہ حرارت 40سے اوپر جاسکتا ہے، اس دوران سمندری ہوائیں بند ہونے سے حبس زیادہ محسوس کئےجانے کاامکان ہے۔
کراچی شہر کا موجودہ درجہ حرارت 32 ڈگری سینٹی گریڈ ، ہوا میں نمی کا تناسب 56 فیصد ہے جبکہ 26 کلو میٹر فی گھنٹہ کی رفتار سے ہوا چل رہی ہے۔
محکمہ موسمیات نے آئندہ چوبیس گھنٹوں میں کوئٹہ،قلات،لاہور ،فیصل آباد،راولپنڈی،اسلام آباد،پشاور میں کہیں کہیں جبکہ گلگت بلتستان میں چند ایک مقامات پر گرج چمک کیساتھ باش کی پیشگوئی کی ہے جبکہ کراچی سمیت ملک کےدیگرحصوں میں موسم آج گرم اور خشک رہنے کاامکان ہے۔
دوسری جانب لاہور سمیت پنجاب کے مختلف شہروں میں بارش سے گرمی کا زور ٹوٹ گیا، محکمہ موسمیات کے مطابق لاہور، راولپنڈی، اسلام آباد سمیت پنجاب کے مختلف شہروں میں بادل مزید برسیں گےمالاکنڈ، ہزارہ،کوہاٹ،پشاور میں تیز ہواؤں کے ساتھ بارش کا امکان ہے ۔ گلگت بلتستان اور کشمیر میں گرج چمک کے ساتھ بادل رنگ جمائیں گے۔
مزید پڑھیں : کراچی میں پورا ہفتے موسم کیسا رہے گا ؟
گذشتہ روز محکمہ موسمیات کا کہنا تھا کراچی میں پوراہفتہ موسم گرم اورمرطوب رہےگا اور درجہ حرارت چھتیس سے سینتیس ڈگری سینٹی گریڈ رہنے کی امکان ہے۔
چیف میٹرولوجسٹ عبدلرشید نے کہا تھا کہ مئی کا پورا مہینہ اسی طرح گرم رہے گا، فلحال رمضان میں ہیٹ ویو کا کوئی بھی امکان نہیں جبکہ 15 جون سے موسم میں تبدیلی آئے گی۔
