کراچی : محکمہ موسمیات کا کہنا ہے کہ رواں ہفتے موسم خوشگوار رہنے کا امکان ہے اور صبح و شام بوندا باندی کا سلسلہ جاری رہے گا۔
تفصیلات کے مطابق گرمی سے بے حال اور لوڈشیڈنگ سے پریشان اہالیان کراچی کے لیے خوشخبری ہے کہ رواں ہفتے موسم خوشگوار رہے گا جب کہ وقفے وقفے سے بوندا باندی اور ٹھنڈی ہوائیں چلتی رہیں گی۔
محکمہ موسمیات نے رواں ہفتے موسم خوشگواررہنے کا امکان کا اظہار کرتے ہوئے کہا ہے کہ رواں ہفتے صبح اوررات کے اوقات میں بوندا باندی کا سلسلہ جاری رہے گا اورعید پربھی شہری بارش سے لطف و اندوز ہوسکیں گے۔
محکمہ موسمیات کا کہنا تھا کہ 3 سے 4 روز تک تیز ہواؤں کا سلسلہ جاری رہے گا جب کہ آج رات مختلف علاقوں میں بوندا باندی کا بھی امکان ہے۔
خیال رہے رمضان کے آغاز سے ہی کراچی میں شدید گرمی اور حبس کا موسم ہے جب کہ ملک دیگر حصوں میں بارشوں کا سلسلہ شروع ہوچکا ہے۔
